Doktor, Gjergji Bizhga tregon se si lindi dëshira, jo vetëm  për biznes, por edhe për t’i dhënë jetë vëndlindjes së tij, fshatit të tij të bukur malor e që, tahmë fatkeqësisht ndihet i  braktisur!

Të dashur miq!

Pas nje pune te madhe e cila kërkonte mobilizimin e të gjitha forcave mendore dhe fizike arrita që në truallin e familjes në fshatin Golem, Gjirokastër të ndërtoj një strukture agro- turizmi e cila me shumë mundim e sakrifica u kthye nga një projekt në letër në një realitet të prekshëm si një aset me vlerë që i shtohet fshatit tonë të bukur, por fatkeqësisht i braktisur si ç’do vënd e cep tjetër i vendit tonë në këto kohë!  Dashuria për vëndlindjen dhe ndjenja e përgjegjësisë për të dhëne një kontribut sado modest, janë një pjesë e arsyes, të cilat me nxitën drejt kësaj iniciative, pjesa tjetër i takon bindjes absolute se ky vënd është shumë i bukur, vendosur në mes të maleve në lartësi mbi 1000m nga niveli i detit me një shtrirje gjeografike dhe klimë shumë të mirë , me resourse natyrore të shumta, malet, lugina, pyjet, burimet ujore , fauna dhe florë shumë të pasur, por mbi të gjitha qëndron ajri i pastër, qielli blu, qetësia e cila nëse prishet vetëm nga zilet e këmborët e bagëtive apo cicërimat e zogjve krijon kushtet të sigurta për një mjedis çlodhës, argëtues, ripërtëritjes për anën fizike dhe mendore! Ky mjedis kaq i bukur dhe i shëndetshëm në kushtet e tanishme ku ç’do ditë e më shumë kërkohen vënde të reja si atraksione turistike çlodhëse, pse jo dhe fshati ynë, të mos ofrojë mundësi që të vizitohet nga të gjithë ata që janë në  kërkim të mundësive të reja për ti eksploruar dhe njohur! Kjo njësi agroturizëm është ka godinë e cila ka tre kate në  brëndësi të tyre do të gjeni, bar-restorant, guzhinë, dhoma hoteli, me dimensione dhe mobilim modern, sallë lojrash dhe aksesorë te tjerë të nevojshëm për funksionimin e bujtinës. Ndërtesa në tërësi nga ana e jashtme ka shumë elemente të trashëgimisë kulturore ndërsa nga ana ndërtimore është përdorur teknologji bashkëkohore në tërësi. Godina rrethohet nga sipërfaqe truall, i cili është sistemuar dhe shfrytëzuar për të mbjellë perime, pemë frutorë , dekorativë, bar dhe lule. Në ambientet e jashtme është ndërtuar një guzhinë për gatime tradicionale dhe aksesorë të tjerë. Eshtë ndërtuar një fushë basketbolli dhe volejbolli , tualete të  jashtme dhe parkim. Kësaj strukture i bashkëngjiten një sërë  për prodhimin bio të perimeve, një fermë e vogël me pula fshati. Në funksion të njësisë agroturistike janë dhe 150 krerë dele dhe 12 lopë të gjitha të regjistruara. Në fshat ndodhen dy barxho të përpunimit të qumështit dhe mijëra krerë dele e dhi që disponohen nga bashkëfshatarët tanë. Fshati Golem ndodhet në  mesin e rrafshnaltës së Kurveleshit të sipërm , territori i saj kufizohet me katër rrethe, Gjirokastrën, Tepelenën, Vlorën dhe Sarandën, prandaj si e tillë  ka atraksione të shumta dhe të natyrave të ndryshme për ti eksploruar duke i vizituar. Sigurisht që vëmëndja jonë është  që vizitorët të ngelen të kënaqur në ç’do aspekt, duke filluar me mikpritjen, gatimet tona tradicionale, akomodimin, kalimin e kohës sa më bukur e gëzueshëm, si brënda njësisë agroturistike ashtu dhe në  tërësi. Me sakrifica kemi vendosur WiFi privatisht me shpejtësi shumë të  mirë . Eshtë  për të ardhur keq që, 7 km rrugë  që lidhin fshatin Kolonjë  me Golemin vazhdojnë të jenë  te pa asfaltuara, megjithse është rrugë me taban të fortë, mund të përshkohet me ç’do lloj makine, por gjithsesi ky është realiteti aktualisht. Ambicia dhe dëshira jonë është  të prezantojmë sa më mirë investimin dhe fshatin tone  në ç’do aspekt! Në fund të fundit, ata që do ta shijojnë realisht do teë jeni ju, ne ngelemi veç shërbetorët tuaj, nëse ju lind dëshira apo kurioziteti të  vini të na vizitoni!

Bujtina Hadër Xhebro

Përse duhet ta vizitosh, dhe si janë shprehur ata që e kanë vizituar këtë bujtinë në Nivicë të Kurveleshit!

Jaho Xhebro

Ju ftoj të vizitoni zonën e Kurveleshit me klimën e pastër në mbi 1000 metra lartësi, ushqimin bio, mishin e malit, bulmetin dhe këngën labe.  Ju mirëpresim në Kurveleshin e Labërisë në Llufë tek “Kroi i Zotërisë” Prej brezash ne jetojmë në fshatin Rexhin bashkë me vëllezrit dhe fëmijt tanë ,Këtu ku dhe kemi ngritur punën tonë ,Baxhon e bulmetit prej 30 vjetësh. Kemi investuar dhe kemi bërë një bujtinë ku presim miq nga e gjithë bota.Ju shërbejmw me produktet që rrisim vetë.

Kryeministri (E.Rama)

Shqipëria që nuk bën lajm në media është një vend ku punohet, prodhohet, eksportohet, zhvillohet ekonomia e familjeve që i përkushtohen të ardhmes, duke e nxjerrë fitimin nga puna edhe aty ku duket sikur s’ka asnjë mundësi Ja një nga shumë e shumë shembujt e kurajos, besimit dhe punës së ndershme, në majë të maleve e në mes të një bukurie magjepsëse, ku një ngrehinë e vjetër mbijetese, sapo është kthyer në një agroturizëm fitimprurës, nga Jaho Xhebro e familja e tij, me mbështetjen e qeverisë shqiptare, përmes Agjencisë së Zhvillimit Bujqësor e Rural. Tanimë nuk është më kjo familje që duhet të gjejë rrugët e pamundura për të nxjerrë prodhimet e pakta në treg, po janë vizitorët vendas e të huaj që marrin rrugën deri atje, për të shijuar natyrën e mrekullueshme dhe ushqimet bio të zonës, duke thithur ajrin e pastër të Nivicës.

#Punë Jo Gjumë

#Ska Kohë Për Pushim

Rexhin, Tepelenë - Në bujtinën e Jahos, rrethuar nga një natyrë magjike, me admirim për këtë familje punëtore që ka krijuar punë dhe ekonomi mes maleve, duke prodhuar bulmet për tregun e ofruar mikpritje për vizitorët e zonës

Zhvillimet e bujtinave dhe rikthimi i syve të emigrantëve nga kjo zonë e bekuar, për të investuar kursimet e tyre në rilindjen ekonomike të Labërisë përmes turizmit, janë burim energjie e shtysë e madhe për të vazhduar punët që kemi nisur

Tepelena sot

Ne fshatin Nivice ,ne Lluf rrez Kendrevices ndodhet bujtina" Hader Xhebro ", e cila eshte nje nga vendet me te bukura ne rrethin e Tepelenes , me gatimet tradicionale me produkte bio, me disa dhoma hotelerie ben te mundur akomodimin , miq te Tepelena Sot ju keshillojm ta vizitoni,dhe te provoni gatimet ,rruget po mbarojn si nga fshati Bence dhe nga rruga e Salarise, qe ben te mundur ecjen normale.

Kjo bujtin eshte nje pionere e agroturizmit ne rrethin tone dhe banoret e zones duhet ti perkushtohen agroturizmit qe tu sjell me shume te ardhura.

Luli Sheraj

Me më të mirët,ndjehesh mirë,kalon mirë,je shum mirë, në Bujtinen Hadër Xhebro Arjola H Xhebro Petrit Xhebro Jaho Xhebra, mishi, rakia, prodhimet e bulmetit, petaniku, perimet e bahçes, lajthit, ç'do gjë biooo..