Këto fidane të kultivuar rrapi të  fiksuar në  foton e parë, të  siguruara e të sjella në Buronja të Kuçit dhuratë nga djali fisnik Kuçjot Edmond Sulaj, prej dy ditësh po punojmë  për ti mbjellë  në  vëndin historik që  është  quajtur prej më  shumë  se një  shekulli “Sofra e Laberise” dhe vendi i kuvëndeve e i festave tradicionale, pra në  Buronja që dikur ishte e mbushur me rrepet shekullorë, që  për shkaqe natyrale nuk janë  më .Thirrjes tone  për ta realizuar mbjelljen e 50 fidanëve ju pergjigj Bashkia Himarë  që na mundësoi skrepin për hapjen e gropave dhe pak banorë  që  unë  i falenderoj për ndihmesën e tyre. Andoni, Araniti, Asllani, Musai, Qemali nga Brati, Kamja, Loni, Sabriu, Alketi, Arbi, Beni,Sevi, e ndonjë  tjetër që mund ta kem harruar. Nesër presim disa punëtorë  të  zonës që mbulon Bashkia dhe kush të  dëshirojë  nga fshati është  i mirëpritur për ta përfunduar këtë  punë. Dua që  në  këtë  postim të  sqaroj diçka për të mos lënë  vënd për hamendësime, që ne për hir të  së  vërtetës i kemi pak në  “modë". Unë nuk e di si kanë  punuar të  tjerët para meje, dhe nuk i kuptoj dot disa njerëz që  janë  jo dashamirës,  ndaj punëve të  mira në  shërbim të  komunitetit dhe autorëve të  tyre, e për këtë arsye ndjejmë trishtim, pavarësisht se janë  të  kufizuar në  numër dhe të  neveritshëm për të vërtetën dhe  shumicën e komunitetit që  e do zhvillimin, mirëqënien dhe ndershmërinë. Në  23 qershor të  2024 në  organizuam Festën e Çlirimit të Kurveleshit të  lënë  në  harresë  prej vitesh, dhe u interesuam pranë Bashkisë  për të  ndërhyrë,  për sistemimin dhe pyllëzimin e zonës së  festës. Na u tha që  ka prej dy, a me shumë  vitesh një  fond prej 100 milionë  lekë  të  vjetra për pyllëzimin. Meqënëse ne siç e përmenda fidanet na i siguroi djali Kuçjot ju drejtuam Bashkisë, që  këto leke ti përdorë  për sistemimin e zones,  për ta kthyer në  një  minipark, që do tja ndryshonte pamjen dhe do ta përshtaste edhe më  shumë  kohës që  jetojmë  dhe prespektivës së zhvillimit sidomos turizmit. Pra, të  përdoren sipas ligjit por për sistemimin jo të  hiqen. Fidanat dhe puna e bërë  për mbjelljen janë  pa lekë. U interesuam dhe me ndihmën e zotit Fatmir Toçi u lidhëm me zotin Artan Shkreli arkitekt, për të realizuar një  projekt për këtë  qëllim. Pavarësisht gadishmërisë së zotit Shkreli që dergoi edhe arkitektë  për të bërë studimin e nevojshëm nga urbanistika e Bashkisë, deri tani nuk e morëm ndihmesën e duhur për këtë projekt dhe përpjekjet tona do të vazhdojnë  me shpresën e realizimit. Ne duke e parë me sytë  tanë  dhe duke punuar edhe vetë  e kuptojmë  shumë  mirë  se të  gjithë  sëbashku me pak përkushtim dhe me sa më  pak fjalë, ( sidomos dashakeqe nga gojët e pista) mund të  bëjmë  gjëra në  dukje të vogla por që  kanë  vlerë për të  gjithë  komunitetin. Unë  nuk bëhem shumë merak nga fjalët dashakeqe sepse e kam ndarë  mëndjen të  eci në  gjurmët e të  parëve të mi, e që  kurrë  të  mos bëhem pis, por do t’ju lutesha të dashur bashkëfshatarë  t’i bashkoheni gjithmonë inisiativave që na shërbejnë  të gjithve ne dhe asnjeherë  të  mos harrojmë  se ne Kuçjotët e sotëm jemi pasardhës të brezave që kanë  bërë  histori të  lavdishme dhe dhe na kanë bërë  të  krenohemi e ta mbajmë  kokën lart. Dhe një  herë  faleminderit të gjithëve atyre që  japin kontribute në  të mirë  të  të  gjithëve.