28 Nëntori – Dita e Flamurit, është festa që bashkon shqiptarët anë e mbanë botës, është festa që shqiptarët i bën një. Andaj është e udhës që për këtë datë të rëndësishme kombëtare, të tubohemi të gjithë për ta shenjuar në gji të flamurit të Skënderbeut, duke udhëtuar në retrospektivë, duke kujtuar personalitetet dhe veprat e tyre, të cilat kanë bërë që ne sot të gëzojmë  gjuhën, flamurin, shtetin dhe identitetin e pacenuar. Gjatë të kaluarës së vështirë, shqiptarët arritën që denjësisht të mbrojnë kombin e tyre dhe gjakun e ilirëve jetik. Ne jemi ndër popujt e rallë, autokton, që jetojmë të grimcuar në shtete rreth e qark shtetit amë, jemi popull shembull kur bëhet fjalë për tolerancën ndërfetare, jemi gegë  e toskë, jemi shqiptarë që na bashkon një gjuhë, një flamur, një gjak. Ashtu si ne Vlore dhe ne trevat mbare shqiptare edhe ne qytetin tim, Tepelene u kremtua me madheshti kjo dite mbare kombetare. Ndaj  dua t’i përcjell çdo shqiptari urimet më të përzemërta me rastin e 113 vjetorit të Pavarësisë, Ditës së Flamurit, me dëshirën që të jetojmë përherë të bashkuar, në harmoni me njëri tjetrin, duke kujtuar me krenari të kaluarën, duke mbrojtur të tashmen, dhe duke ndihmuar të ardhmen.

 28 & 29 Nëntori – Ditët tona të Krenarisë Kombëtare!

Qendra Kulturore e Fëmijëve “Nimete Progonati” dhe shkollat e Tepelenës, nën kujdesin e Zyrës Vendore të Arsimit, zhvilluan një aktivitet emocionues, ku fëmijët sollën me shumë dashuri atmosferën festive të këtyre ditëve të shënuara për të gjithë shqiptarët.

Interpretime poetike

Këngë patriotike

Kulinari dhe traditë

ArtizanatArt & pikturë