Kjo krahinë madhështore, kjo trevë që mban lart flamurin e trimërisë, fisnikërisë ndershmërisë e bujarisë, kjo trevë e burrave të rrallë , e burrave të kuvëndeve e burrave të pushkës, të penës, të besës ,të luftës, të punës, të këngës, të valles dhe burrave të historive të mëdhaja. Kjo trevë është vëndi i luleve, i trëndelinave, i manushaqeve, i grave lastonja, nikoqire, të pastra, punëtore, bujaresha e trimëresha. Nuk ka shkëmb, gërxh, breg, majë, e mal të mos mbajë emrin e një trimi të rarë në luftra të ashpëra e të gjata shekullore. Kjo krahinë mikpritëse me zemër të madhe, me zemër të hapur, për ç'do mik udhëtar, a kushdo që shkonte pranë stanit apo shtëpisë së tij, i fliste eja ktheu bujur. Kjo krahinë të vel me mish helli, me kukurec, me harapash, me lakrorë, me gjellë të shumta nga gra moskokaridhet mëmat tona. Kjo krahinë ka mësuar të marrë frymë mes tymit flakes, zjarrit e barutit në breza e breza me radhë, që më shumë ka mirisur erën e luftës se sa erën e freskët të maleve, kjo krahinë e rrallë që edhe burimet me ujë kristali kanë buruar gjak trimash gjak djemsh e vajzash që ndezin shpirtin e gjithë shqiptarëve e i hidhnin në luftra çlirimtare. Kjo krahinë ishte pikësynimi i ç'do armiku, po të pushtonte Kurveleshin kishte pushtuar gjithë Shqipërinë. Po, Kurveleshi ishte një kockë e forte,  që kujtdo i ka ngecur në grykë. Kurveleshi është krahina e mosnënështrimit. Kurveleshi është krahina e nënshkrimeve historike për bashkim për çlirim për liri! Kurveleshi ka qënë një krahinë që fillonte nga Picari ,Medari, Kolonja, Kaparjeli, Golemi, Lekëdushi, Progonati, Gusmari, Rezhini e Nivica, Vermiku, Bolena, Kallarati, Kuçi, Ferrari e Çorrajt. Krahinë e madhe me tradita e me emër të madh . Nënprefekturë me qendër Gusmarin! Po sot ç'farë ndodh me Kurveleshin? I ndarë e i copëtuar ashtu si armiqtë tanë shekullorë që ndanë Shqipërinë në pesë shtete edhe Kurveleshin e ndanë i prenë krahët i prenë bashkimin e zhvillimin njohjen me njeri tjetrin rritjen dhe forcimin e traditës. Kurveleshin e prenë në besë e ndanë që para tetëdhjetë vjetësh në pjesë pjesë në rrethin e Sarandës të Vlorës, të Tepelenës, e të Gjirokastrës dhe fëmija jonë nuk thonë më jemi nga Kurveleshi po thonë jemi nga Bregdeti nga Lumi Vlorës nga Kardhiqi dhe Kurveleshin e katandisën me pesë fshatra Lekëdush, Progonat,Gusmar, Rexhin e Nivicë! Pse ja bënë këtë ndarje Kurveleshit? Kush ishte arsyeja që në shumicën e fshatrave humbet nocioni Kurvelesh?! Frika se po të ishte i bashkuar nuk do ta kapërdinin dot e të bënin si të donin. Edhe sot ekziston akoma kjo frikë prandaj na lënë të ndarë e të pa bashkuar. Shqipëria është në një moment e cila bën ndarjen territoriale prandaj unë Dilaver Lazaj nga Golëmi i "Kardhiqit"kërkoj dhe kushdo Kurveleshas kudo janë, të më kthejën në identitetin mijëra vjeçar Golemi i Kurveleshit, Fterra apo Picari,  Çorrajt apo Kuçi e Bolena të Kurveleshit. Sot janë ndërtuar rrugët në Kurvelesh që nga ç'do fshat për gjysëm ore apo dyzet minuta të shkosh në qendër të Kurveleshit, në Gusmar! Kurveleshin e katandisën me pesë fshatra këtë trevë që do ishte Unversiteti i atdhetarisë i trimërisë i bujarisë i fisnikërisë i ndershmërsë! Do ishte udhërrëfyesi i patriotizmit do ishte Kurveleshi i kuvëndeve të mëdhe e i odave me qelqe! Prandaj ju bëj thirrje ç'do Kurveleshasi punëtor, bari, ushtarak, arsimtar të rinjve pleqve e plakave, e sidomos intelektualëve të ngrenë zërin SOT të bashkohemi SOT! Kurveleshi ka dhënë gjak Shqipërisë më shumë nga ç'do trevë tjetër prandaj meriton bashkimin të japë më shumë të ketë më shumë kuadro deputetë ministra e pse jo edhe Kryeministra. Kurveleshi qan për burra kurveleshi kërkon ti dalim zot, sot jo me pushkë po me aftësi bindëse me mëndje të marrim atë që na takon, K U R V E LE SH I N!