Në shekuj krahina jonë e të gjitha fshatrat e Kurveleshit kanë nxjerrë burra që i kanë dhënë emër trimërie, krenarie, fisnikërie, fshatit e krahinës tonë legjendare! Unë do shkruaj për rreth tetëdhjetë vitet e fundit për djemtë që u lindën e rritën në Golëm të Kurveleshit, për ata që nderuan e përcollën në shoqëri vlera dituri e krenari në fusha të ndryshme të jetës.Nuk jam I përkryer, këto jaë thjesht mendime te miat personale, ndaj të më mirkuptojnë lexuesit që me komentet e tyre mund të shtojnë apo te sygerojnë  mendimet e tyre për të dale një tablo më e qartë. Shkencëtari Golëmas që i shtoi krenarinë e i lartësoi emrin e të gjitha kohëve Ai që nderoi Golemin Kurveleshin e gjithë Shqipërinë ishte Bilal Golemi! Shkencëtari Biolog me famë botërore duke shpikur pesë gjashtë lloje vaksinash për blegtorinë të cilat më vonë u modifikuan e përpunuan edhe për njeriun. Ai ishte i njohur atje ku kreu studimet në Stamboll e më vonë në Francë mbaroi doktorraturën. U kthye në Shqipëri dhe hodhi hapin e parë të shërbimit veterinar duke dërguar 40 djem në shkollë në Itali për tu bërë pishtarët e parë dhe shenjtorët e veterinarisë Shqiptare. Një ndër këta dyzet shenjtorët e parë të veterinarisë Shqipëtare ishte edhe Memisha Zigur Hysaj nga Golemi i cili punoi shumë vite si mjek veteriner e më vonë në përmirësimin racor të kuajve por në monizëm edhe pse me universitet në Itali e lanë çoban mbasi ishte në krahun e nacionalistëve. Golemi ka patur tridhjetë e tetë mjekë e mjeke të shpërndarë në të gjithë vëndin po kryesisht Gjirokastër, Tiranë, Fier e kudo në Shqipëri. Kirurgia e parë grua në Shqipëri e studiuar në Rusi ishte Golemasja Rushen Golemi. Bijë nga fis i mirë. Në demokraci u zgjodh Deputete e Parisë Demokratike në vitin 1992 dhe në 1996 duke i parë këta çakejtë se ç'rrugë morën nuk pranoi dhe u largua fare nga politika! Për krahinën tonë punoi e kontribuoi me përkushtim Doktorr Sali Leskaj një emër i pastër që nuk la shtëpi të Kurveleshit pa futur e pa shërbyer ditën e natën një emër që e njeh mirë i gjithë Kurveleshi . Një emër tjetër i madh dhe me shumë vlera humane ishte edhe Selam Shkurti I cili punoi për shumë vite në spitalin e Gjirokastrës e më vonë në Tiranë . Selami ishte një emër i rrallë ai kur e mirrte vesh se një I sëmurë ishte nga Kurveleshi bënte përpjekje maksimale duke ndërhyrë tek mjekët e tjerë specialistë . Dashuria dhe respekti që kishte për vënd lindjen ishin të pa krahasueshme! Në fushën e letërsisë Golemi ka listë të gjatë djem e vajzash të cilët nuk mund ti shkruaj të gjithë por penën e tyre kanë ngritur lart vlerat e Golemit të Kurveleshit e të Shqipërisë. Ka me dhjetëra e qindra botime nga Golëmas si Romane, Tregime Skica, Poema e poezi. Njeriu që një jetë nuk pushoi e vazhdon akoma edhe më një moshë madhore është Avdulla Kënaçi . Avdullahu që djalë i ri punoi mësues letërsie në Golem, pastaj Gazetar në Gazetën Pararoja të Gjirokastrës e më vonë në Zërin e Popullit shkroi e nuk pushoi dhe vazhdon e shkruan reportazhe skica tregime për ditë edhe pse larg e i mërguar në Kanada. Në fushën e Historisë Dr.Belul Korkuti, mësuesi I historisë në Gjimnazin Hoxha Tahsin në Sarandë vite e vite të tëra, më vonë kaloi kryeredaktor i shumë gazetave locale, ndërsa me prishjen e sistemit emigroi në Greqi ku edhe ka botuar disa libra historikë për vëndlindje e për gjithë Shqipërinë! Në fushën e bujqësisë Golemi ka shumë djem e vajza agronomë të përkushtuar, është listë e gjatë por agronom i parë Golemas dhe me emër të madh në Shqipëri ka qënë Beshir Nikolli. Ai ishte i apasionuar në bujqësi dhe kontribuoi si drejtor fermash në Llakatund të Vlorës në Xhaf Zotaj në Levan e më vonë ku mbylli edhe karrierën e tij, aty  ku doli në pension në fermën e Delvinë Stiar Bajkaj i cili projektoi dhe mbolli me portokalle plantacionet e Stiarit të Bajke e shumë ullishte në të gjithë hapësirën ku punoi si drejtor. Në administratë Golemi ka patur shumë djem e vajza por deri në rang zv.ministrash ose sekretarë ministrie si Ylli Bizhga, zv.ministër shëndetësie, sekretar në ministrinë e mbrojtjes z.Ismet Isufi, sekretar në ministrinë e Bujqësisë z.Manxhar  Takaj, sekretare në ministrinë e Brëndshme z.Minushe  Layaj . Drejtor drejtorie dhe më jetë gjati në ministrinë e mbrojtjes ka qënë z.Diftir  Hysi, një burrë i rrallë i kudo ndodhur e me një emër mbi ministrin. Në fushën e sportit kanë spikatur shumë djem por më shumë në futboll. Ndeshjet e futbollit Golem - Progonat ishin kujtimet më të bukura të krahinës tonë të rinisë tonë të cilat na lidhnin me njeri tjetrin po nxirrnin edhe djem që loznin në kategorinë e parë. Nga Golemi sulmuesi i Luftëtarit Seiti, Portieri i Luftëtarit Lamaj etj etj. Në mundje me emër kombëtar e ndërkombëtar ka qenë Suvorof Nikolli I cili në peshën e tij nuk njohu humbje kurrë. Në boks po me emër të madh ka qënë A. Golemi. Estrada e Golemit ka qënë nga estradat më të mira e me emër të dëgjuar. Ajo kishte aktorë të mëdhenj të lindur me plot humor dhe si regjisori i parë i saja ishte biri Kurveleshas aktor në estradën e Gjirokastrës i miri Izet  Matuka  nga Nivica . Ku nuk u dëgjua emri i estradës së Golemit ku nuk ka vajtur e ku s'ka lënë nam estrada jonë, nga aktorët e parë kanë qënë Qani Bizhga, Arun  Lazaj, Myrdar Stroka, Teki  Rroshi etj. Më vonë ku dhe estrada mori emër të madh kanë qenë aktorë kalibri e më të kualifikuar Hodo  Banushi, Begë  Demaj, Abas  Goxhaj, Lule  Korkuti, Petrit  Leskaj, Janullë Hadëri, Leta Strokaj  Dilaver  Layaj që fëmijë në klasën e pestë me estradën e rinisë si koferencier e recitues më vonë edhe klarinetist i kësaj estrade e shumë e shumë bij e bija të tjerë! Estrada e Golemit ishte e veçantë mbasi nuk punonte kurrë me skeçe nga libri i estradës që botohej në ato vite por me numra skeçes e parodi të shkruara nga vetë djemtë dhe vajzat Golëmase . Numri I estradës me titull "Mbaje lartë e tire hollë” bëri emër në gjithë Shqipërinë dhe dha shfaqje në shumë fshatra po edhe në shumë qytete të Shqipërisë si në Shkodër, Tiranë, Fier, Tepelenë, Gjirokastër, Delvinë e Sarandë! Kudo vinte pritej e përcillej me respekt të madh me lutjet ejani përsëri! Një punë të madhe në pasqyrimin meditim dhe të informimit ka dhënë e jep i pa lodhuri Agron Mëhilli e Shqiponja e maleve Kurvelesh me Altin Alikaj. Trojet tona jo vetëm të Golemit po të gjithë Kurveleshit kanë nxjerrë djem e vajza të aftë të zotë në të gjitha fushat e jetës por më tepër në artin ushtarak! Ka emra shumë e shumë ! Të më falën që si kam përmëndur të gjithë po kaq mundesha në një artikull Dritë u a bëftë zoti të gjithë ju që jetoni, të parajsës qofshin të gjithë ata që kanë ndërruar jetë!