Ky është fshati Kolonjë, Gjirokaster, 40 minuta me makine larg Gjirokastrës. Fshati ka 100 shtëpi, ka natyrë të mrekullueshme, një rrap shekullor në zemër të fshatit, ka liqen dhe dy vende ku mund të hani ushqim të shijshëm. Meqe ky fshat është në zonën e gjelbër, mund te vizitohet nga banorët e qarkut Gjirokastër. Rruga per atje është e asfaltuar...

NȄ KOLONJȄ GJULLURDI

Ditë e ënjte me qendi, 

Në Kolonjë gjurulldi, 

Kush e rrahu mulazimnë, 

Thonë  për Kamer Velinë, 

Me Bejushen gjeraqinë, 

Të  ligut ç'ja bënë  mirë? 

Bejushja qafë sorkadhja, 

Me të njezet zogëlarat, 

Bejushja, bijë  e Astritit, 

Rrëmbeu hellin e mishit,

I hap kokën mylazimit, 

Dhe i shkreti sheh Hamdi, 

Të mbyllej kjo gjurulldi, 

Mylazimin turçeli, 

I tregonë  një  hiqasi, 

Dhe me shume "embëlsi",

E ftoi turkun në  shtëpi, 

T'u bënte plagëve jatri !! 

Kolonjë - Kurveleshë                                                                                                                          

Në  vitet e pushtimit turk (1900_1910), në fshatin Kolonjë  të  Kurveleshit bëhej një dasëm. Kur nusja hipi në  kalë dhe do të nisej për te burri, një nga shoqërusit e nuses, zbrazi një  pushkë  hareje. Por një  oficer turk që u ndodhë aty pranë, e kapi atë  që shtiu dhe s'po e lëshonte : Ndërsa të  gjithë  krushqit bashkë  me nusen në  kalë  mbetën të gozhduar  në  vend. Ndërkohë Kamber Hoxha nga ky fshat, si e pa që  mylazimi nuk po e lëshonte atë  që  kapi, shkoi dhe mbërtheu zabitin në  grykë. Kamberit i erdhi në  ndihmë  edhe një  grup grashë me në  krye trimëreshën Bejushe, e cila rrëmbeu një  hell mishi nga të dasmës, dhe shkoi e i ra në kokë zabitit, duke e shtrirë  atë  në  tokë  gjysmë të vdekur. Në  këtë  kohë  ndërhyri gjoja Sheh Hamdiu, i cili e mori mylazimin nën mbrojtje dhe e çoi në  shtëpinë e tij. Për ti zbutur punët e fshatit me qeverrinë, që   kjo e fundit të mos bënte arrestime. I mjekoi plagët atij, i bëri duvanë që "te shërohej shpejtë", dhe e përcolli në Gjirokastër. 1) Kamber Veli Hoxha, patriot dhe luftëtarë i shquar i pavarsisë, i dalluar edhe në luftimet kundër shovinistëve grekë më, 1914. 2) Bejushja : Grua trimëresh nga Kolonja e Kurveleshit. 3) Sheh Hamdiu : Nga Kolonja ! 4) Këngë  Popullore e  Labërisë