Sot mё 17.5.2024 biri i shquar i Fterrёs, intelektuali i spikatur, arkeologu i vlerёsuar nga shkenca shqiptare dhe ajo botёrore, ish kryetari i Akademisё sё Shkencave ne Republikёs e Shqipёrisё, bashkёbotuesi i gazetёs "Fterra jonë" Profesor Doktor Muzafer Korkuti ka ditёlindjen e tij. Komuniteti fterjot kudo ku jetojnё dhe punojnё, Shoqata "Fterra" me degёt e saj nё Sarandё, Tiranё, Vlorё etj. dhe ne botuesit e gazetёs "Fterra jonë", i urojmё nga zemra: - Edhe 100 vjetё tё tjera, jetё tё gjatё e tё lumtur bashkё me familjen e tij.

DISA TE DHENA TE SHKURTERA BIOGRAFIKE

MUZAFER KORKUTI: Profesor, Doktor i Shkencave, arkeolog i shquar.

Lindi në Fterrë Mё 17.5.1936 dhe pasi kreu shkollën fillore në fshatin e lindjes, ndoqi mësimet në shkollën shtatëëvjeçare dhe të mesme në Shkodër. Punoi si mësues dhe drejtorr I shkollës shtatëvjeçare të Kuçit nga viti 1954 deri në vitin 1957. Studimet e larta i kreu në Universitetin e Tiranës, në degën e historisë. Ato i përfundoi me rezultate shumë të mira në vitin 1962. Për një kohë të shkurtër ndoqi studimet e larta në Leningrad ( Petërburg), por u detyrua t’i ndërpriste për shkak të prishjes së marrëdhënieve midis dy vendeve. Pasi mbaroi shkollën e lartë u emrua në Qendrën e Studimeve Arkeologjike të Akademisë së Shkencave. Gjatë veprimtarisë së tij 41 vjeçare në këtë institucion u specializua në fushën e prehistorisë dhe drejtoi gërmime në më shumë se 15 qendra pre e protohistorike. Ka botuar mbi 45 artikuj shkencorë në revista shkencore në Shqipëri dhe 34 artikuj në revista jashtë shtetit. Është bashkëautor në disa tekste universitare., “Arkeologjia” 1972,”Arkeologjia” 1993, në tekstin “Historia e Shqipërisë”, në botimin “Les Illyriens”, 1985, dhe në “Historia e popullit shqiptar”, 2003. Është autor i librit: “Neoliticthum und Chalkolithichum in Albanien”, botuar në Gjermani, në vitin 1995. Që nga viti 1968 deri në vitin 2002 ka qenë lektor i arkeologjisë në Universitetin e Tiranës, ndërsa gjatë viteve 1972 – 1975 në atë të Prishtinës. Ka dhënë leksione në universitete të ndryshme të botës, si në Paris (Francë), Heidelberg dhe Munster (Gjermani), Romë, Pizë, Bari, Leçe, Bolonjë (Itali), Athinë e Selanik (Greqi), Vienë (Austri), Sinsinati (ShBA) etj. Është pjesëmarrës në disa dhjetra simpoziume dhe kongrese ndërkombëtare. Është drejtor i Institutit të Arkeologjsë nga viti 1998 deri 2005, kryeredaktor i revistës “Iliria” (1971 – 2003) dhe anëtar korrespondent i Institutit Arkeologjik Gjerman, 1986.

·        Prof. Dr. Muzafer Korkuti mё 7 qershor 2006, nderohet nga Presidenti i Republikës me Urdhërin "Mjeshtër i Madh" me këtë motivacion: "Për kontribut të veçantë në zhvillimin e përparimin e arkeologjisë shqiptare, studimet arkeologjike dhe formimin e brezave të arkeologëve të rinj".

·        INSTITUTI ARKEOLOGJIK I AMERIKËS

Muzafer Korkuti Më 8 janar 2010 me vendim të Këshillit të në vlerësim të diturisë dhe arritjeve të mëdha në fushën e arkeologjisë është bërë anëtar korrespondent i

INSTITUTIT ARKEOLOGJIK TË AMERIKËS

C. Brian Rose, President

·        Profesor Muzaferi është velrësuar gjithashtu edhe me "Penën e Artë".

·        Profesor Muzaferi është vlerësuar e nderuar nga Shoqata Atdhetare, Kulturore Labëria "Nderi i Kombit" me Certifikatën më lartë të kësaj shoqate; "Personalitet i shquar i Labërisë".-

Professor  Doktor  Muzafer Korkuti