Gjithë muaji gusht kishte një pyetje ? Pa i pyesni se ku do venë ?

Se çfarë janë ata ?! Pooooo, pooooo ata … ata… Ata venë në Tepelenë. Ata venë në Tepelenë edhe thjeshtë mos i nga… Gusht e Fshati n’fest, ishte lajtmotivi i vërtetë, i gjithë thuajse krahinës së Kurveleshit por edhe Bashkia Tepelenë. Ky muaj mbahet mend sepse ne bashkohemi edhe sjellim gëzim në çdo vatër të lënë në harresë. Ç’do konak merr jetë e gëzim sepse kur vijnë emigrantët, në

shumë fshatra, ka festë. Është bërë traditë ,takimi i brezave , familjeve të të gjitha fiseve mblidhen, takohen, këndojnë dhe festojnë. Ushqimi është bio, gatuar me shumë dashuri, ku një kafe edhe një gotë raki ofruar me dashuri sipas tradiës labe.

Aty këtu mu kujtua, mu kujtua Përmeti : “Përveç detit, kemi gjithçka tjetër”. Është e vërtetë

se kjo shprehje është përfundimisht për qytetin e Përmetit, i cili historikisht ka qenë i mbushur me vlera kulturore, i njohur veçanërisht për gatimet dhe glikotë plot shije, të përgatitura nga zonjat duararta përmetare.  Edhe Labëria i kishte të gjtiha por detin nuk e kishte por ai ishte aty vetëm 40 minuta edhe ti

ishte nga Tepelena në Kurvelesh e pastaj në Borsh.

Të parët që nisën ishin vllezërit dhe motrat tona nga Memaliaj, që me Z. Viktor Aliu, Drejtorin Artistik, sollën edicionin e parë të Festivali “Jehona e Vjosës”. Ky festival u mbajt në datat 16-17 gusht. Nuk ka më bukur se së bashku të mbrojmë folklorin dhe të sjellim harmoni gjeografike dhe historike.Ç’do gjë ishte e konceptuar në qëndër të qytetit Memaliaj. Sipas organizatorëve, performuan në këtë skenë gati 25 grupe me shtrirje gjeografike në mbarë

trojet, kjo gjë që ishte përjetuar pothuajse dekadash, në qytezën e minatorve në Memaliaj. Një

skenë e ndërtuar bukur, me skenografi dhe të gjithë elementët skenografik e artistik.Çdo grup apo artist duhen falenderuar për traditën që vazhdonj të mbajë gjallë këngën edhe traditën e bukur labe por jo vetëm. Duke hulumtuar mu kujtua nga Sejmen Gjokoli, poeti e regjisori i madh Petrit Ruka kur vinte në Vlorë si pjesë e " Aulona Folk Festival & quot; Të organizosh një festival duhet të bësh bashkë 1001 gjëra"...dhe kështu është vërtet por por të gjithë bashkë mund të bëjm gjëra të thjeshta me shumë dashuri… Mos të humbin traditën e të parëve , të jemi në kontakt me të gjithë. Në Luzat,12-13-14-15 Gusht, Takim Brezash dhe Ekspozitë pikture, Në Hormovë, 19 Gusht, Takim Brezash. Në Lops, 24 Gusht, Takim Brezash Në Lekdush, 26-27 Gusht, Mekami i Baba Sali Shehut

Në Lutfinjë, 26 Gusht, Takim Brezash. Në Zhapokikë e Sipërme, 26 Gusht, Takim Brezash Në Nivic 28 Gusht, Takim Brezash. Për herë të parë në Tepelenë ishte një sezon turistik që promovon kulturën, traditën edhe takimin e brezave. Shumicën e rasteve nuk mund të mos pranoja ftesën e shumë organizatorëve, që të isha pjesë e festave që mbledh bashkë të gjith rikthyer nga janë e nga nuk janë. Lord Bajroni, thoshte : I dua shqiptarët shumë,janë të ashpër,Por janë rraca më e bukur në botë.

NË LUZAT - 15 Gusht , në sheshin e qyetit u mbajt ekspozita e kolonisë së piktorëve të "Luzat Art". Është iniciativa më e fundit që është ndërrmarrë nga Fondacioni Kalo dhe Bashkia Tepelenë për krijimin e një modeli të ri zhvillimi të fshatrave tanë, i cili vjen për here të parë në Shqipëri si një model unik në promovimin e jetës së fshatit ndërthurur me bukuritë natyrore dhe traditat tona. Pjesë ishin emrat e njohur të artit si : PINO BONANNO │1943, Diplomuar në Shkenca Politike dhe Histori të Artit. Mësimdhënës për Historinë e Artit në Universitetin Ca' Foscari të Venecias. Bonanno është poet, piktor, kritik arti dhe shkrimtar.

Ai është edhe redaktor, dhe ka drejtuar programe kritike radiofonike dhe poetike. Është krijues dhe themelues i lëvizjes artistike “Kromatizmi Hermetik”. Ka qenë redaktor i revistës zvicerane të artit bashkëkohor " Futuro" dhe i revistës së Triestes “Arti dhe Shoqëria” si dhe drejtor i revistës së artit " Kunst ARTE". Si kritik arti ka organizuar, në Itali dhe jashtë saj, një sërë ekspozitash arti. Punë të tij gjenden në koleksione publike dhe private. Aktualisht jeton dhe punon në Istria, dhe ka një galeri në Groznjan, Kroaci. ILIR BUTKA │ 1965, Diplomohet në Akademinë e Arteve në vitin 1998. Ka krijuar dhe drejtuar për 12 vjet Tirana International Film Festival. Ka realizuar skenare dhe regji për filma të shkurtër artistikë dhe

dokumentarë. Si producent ka realizuar dy filma artistikë me të cilët është prezantuar në festivalin e Venecias dhe festivale të tjerë ku është vlerësuar me çmime. Ka drejtuar institucione publike si Fondacioni Fan Noli dhe Qendra Kombëtare e Kinematografisë. Aplikon në disa mediume si pikturë, qeramike, fotografi, kompiuter grafike, video dhe instalacion më të cilat merr pjesë në ekspozita kolektive brenda e jashtë vendit. Aktualisht jep mësim në Universitetin e Arteve.

ADRIANA PULESHI │1963, Diplomuar nga Universiteti i Arteve Tiranë në 1987 në degën pikturë, skenografi. Nga viti, 1990-1995 mësimdhënëse për lëndën e vizatimit në shkolla të Tiranës. Në vitin 1993 çeli, ekspozitën e parë personale në Pallatin e Kulturës në Tiranë. Piktura e saj në ekspozitën. Pranverë 1989 u dërgua në bienalen e Turqisë. Për shumë vite radhazi ka marrë pjesë në ekspozitën Onufri. Veprimtare e shquar në grumbullimet e artistëve në Shqipëri dhe jashtë

saj. Vlerësohet si piktore e ngjyrave, me frymëzim nga kostumet popullore. Veprat e saj janë pjesë e koleksioneve private. ARIF LUSHI │1959, Piktor me krijimtari të pasur, i cili pas studimeve arriti të fitojë çmime kombëtare, falë aftësisë së tij për interpretuar konceptin e thelbit të ngjyrës së natyrës dhe qasjes së artistit me imagjinatën e vet. Lushi eksperimenton me teknikën e tij artistike për të transmetuar ngjyrat e natyrës në një metamorfozë ndjenjash. Shumë prej veprave të tij janë në fondin e Galerisë Kombëtare ku edhe ka punuar. Punë të tij janë pjesë e koleksioneve të galerive të njohura,

brenda e jashtë vendit dhe janë vlerësuar me çmime kombëtare dhe ndërkombëtare. ALBAN ÇELA │1971 Kreu liceun artistik Jordan Misja në Tiranë në vitin 1990 e më pas kreu studimet në Universitetin e Arteve ku u diplomua në vitin 1996.Nga viti 2001 jeton e krijon në Itali ku ka çelur edhe tri ekspozita vetjake në qytetet Alviano,Todi e Orvieto. Gjithashtu ka marrë pjesë vazhdimisht në ekspozita kolektive si në Berlin, Moskë e Grosnjan t Kroacisë. AGRON MULLIQI │ 1961, Ka kryer studimet në Akademinë e Arteve duke pasur profesor Muslim Mulliqin.në vitin 1984. Ka filluar të merret me pikturë, si artist i lirë që prej vitit 2000 dhe është autor meprodhimtari të dendur krijuese dhe ka marrë pjesë në shumë ekspozita kolektive brenda e

jashtë vendit, Edhe Muzeu Kombëtar i Kosovës e ka mirëpritur me nëntë ekspozita personale.

Mulliqi jeton dhe punon si artist i lirë në Prishtinë.

SHPETIM XHEMA │ 1965, Lindur në Vlorë. Kryen studimet e mesme në shkollën artistike " Jordan Misja, në Tiranë në 1983 dhe diplomohet në Akademinë e arteve, Tiranë në 1988, duke. Piktor grafist në atelienë e prof. Ilir Pojani. Në vitin 1999 fillon punë si mesimdhënës në shkollën e mesme artistike "Naim Frashëri”, Vlorë. Aktualisht jep pikturë dhe grafikë tradicionale pranë kësaj shkolle. Aktiv në ekspozita personale dhe kolektive brenda dhe jashtë vendit. RIKARDA NOVA │1965, Lindur në Shkodër ku merr edhe njohuritë e para në fushën e artit e të pikturës në veçanti. Diplomuar në 1987 në degën e Arteve Figurative Monumentale. Ka ushtruar  veprimtarinë artistike në disa fusha të artit si pikturë, kinematografi, filmi i animuar si regjisore, piktore, animatore, ilustruese, stiliste etj. Pjesëmarrëse në ekspozita kolektive, koloni dhe simpoziume në Shqipëri dhe jashtë vendit, siç Pranvera, Plain Air, Simpozium Deva etj.

ANILA ZAJMI - KATANOLLI │1965, Diplomuar në Akademinë e Arteve për Pikturë-skenografi-kostumografi në….. Specializuar në Itali për Fashion-dizajn, si dhe mbajtëse e Masterit shkencor të Nivelit ll, për etnologji- folklor, akorduar nga Akademia e Studimeve Albanologjike. Kontribuon si eksperte e kurrikulave profesionale me specifikë modë-dizajnin. Artist-dizajner në fushën e modës dhe arredimit, piktore si dhe kostumografe e shfaqjeve me peshë në disa gjini të skenës, si teatër,

opera, balet, televizion dhe film. Si hulumtuese e etnologjisë eksperimenton ripërtëritjen e

teknikave të vjetra të trashëgimisë kombëtare për artin dhe traditën. Pjesëmarrëse në shumë

ekspozita arti, brenda dhe jashtë vendit.

VELI BLAKÇORI │ 1955. Në vitin 1977 diplomohet nga Akademia e Arteve të Bukura të Universitetit të Prishtinës. Nga viti 1977-1982 ka qenë profesor i Arteve të Bukura. Nga viti 1982-2001 punoi si

karikaturist profesionist i portreteve në revistat e përditshme Bujku dhe Zëri. Që nga viti 2001, ka në pronësi një galeri private të artit bashkëkohor në Prishtinë. Përveç organizimit të ekspozitave personale ka qenë pjesëmarrës edhe në shumë ekspozita e simpoziume kombëtare dhe ndërkombëtare. Blakçori është anëtar i Shoqatës së Artistëve Figurativë dhe aplikativ të Kosovës. SHAQIR VESELI │1957. Lindur në Krujë. Diplomuar në 1986 skenografi dhe kostumografi. Krijimtaria si artist pamor shtrihet në pikturë, kinematografi, teatër dhe mësimdhënie në disa universitete. Pjesëmarrës në veprimtari kombëtare e ndërkombëtare të artit, si me paraqitje individuale ashtu edhe në ekspozita kolektive ku ka fituar disa çmimeve, në pikturë e në kinematografi (përfshirë filma vizatimorë)

DRITAN NASI │ 1968. Diplomuar Piktor që trajton kompozimin figurativ dhe të peizazhit me ndjeshmëri për linjën dhe ngjyrën. Ka realizuar disa ekspozita personale në Tiranë, Paris, Barcelonë, Padova, ndërkohë që merr pjesë në ekspozita kolektive e koloni piktorësh në Shqipëri, Itali, Maqedoni, Mal të zi, Kosovë dhe disa punët të tij janë pjesë e koleksioneve në Shqipëri, Francë, Zvicër, SHBA, Itali, Kosovë e Mali i Zi. Nasi ka bërë ilustrimin e disa librave dhe aktualisht jep mësim në degën e Grafikës të Universitetit të Arteve. NË LEKDUSH – 26 dhe 27 Gusht - MEKAMI I BABA SALI SHEHUT

Aty ku të gjithë Lekdushasit, mblidhen për çdo vit së bashku. Për disa është takim brezash, për disa është një rituale shpirtërore, në kujtim të Baba Sali Shehu. Në dy ditë i gjithë aktiviteti është i pasur me ceremoni, aktivitet kulturor dhe polifoni. Qershia mbi torte ishin BILBILAT E LABËRISË 27- 28 Gusht

Në Bënçë, u mbajt festivali me këngë e valle, të ndërthurur bukur me trashëgimin shpirtërore

e kulturore të Labërisë. Në kuadër të javës së Ali Pashës, Bashkia Tepelenë synoi të gjallëronte jetën kulturore - artistike në trevën e labërisë. BILBILAT E LABËRISË, soll bukur e natyrshëm në grykën dhe portën e parë natyrore të Kurveleshit. Akuadukti i Ali Pashës është vepër hidrike e shek. XVIII ndërtuar si dhuratë ndaj banorëve të Bënçës, të cilët e mbrojtën atë gjatë hapave të para të sundimit të tij. Ky monument ka vlera të rralla arkitekturore.

NË NIVIC - 28 Gusht -SHOQATA NIVICA DHE REXHINI

Ishte diçka më e veçantë, ku lajmi kishte marrë dhenë nga përtej Oqeanit , nga qiellgërvishtësit

e new York, erdhi lajmi se në Nivicë do bëhej takimi i brezave.Organizimi ishte në bazë familjesh ose fisesh ose shoqërish. Të gjitha familjet në Nivicë dhe Rexhin ofruan ushqimet dhe gatimet tradicionale tradicionale të zones së Labërisë, duke filluar nga

mishi i pjekur e kukureci, harapashi, byrekë e lakrorë, dollma e petaniku,revanitë e pjekura.

U mbajt edhe një panair me prodhime bujqësore e blektorale të zonës pa harruar këtu dhe produkte të tjera si çaji i malit, rigoni, dafina.

Nga nivica kuptova se si ruhet :

1. TRADITAT E TË PARËVE TANË JANË GJALLË.

2. NUK KA MBETUR NJERI ,VENDAS APO I HUAJ,PA NGRËNË DHE PA U

NDERUAR

3. MIRË SE TË VINI NË VENDLINDJE

4. SILLNI ME VETE HISTORINË E FAMILJES DHE TË FISIT TUAJ.

Tani ata erdhën me vrap dhe ikën me vrap…

Ndaj…

Rrugë të mbarë!